Os nenos e nenas de 3º estamos estudando as plantas e ao longo destas semanas pasadas fixemos unha morea de actividades. Entre elas, e coa axuda de Tedín, plantar leitugas e berenxenas no invernadero.
Esperamos recoller algún froito nas vindeiras semanas!!
E tamén plantamos a carón do muro do adro da igrexa un romeu e unha lavanda que arrecenden moi ben.
Pero tamén fixemos varios talleres na aula coa colaboración das familias:
- Plantamos fabas, lentellas e garavanzos en caixas de CDs que reutilizamos para ver como ian medrando, cal medraba mais rápido, máis lentamente, vimos como as follas son diferentes, as raíces, …
- Reutilizamos vasos e botellas de plástico para plantar e ver como as raíces ian medrando, como suxeitan a terra e incluso dando volta ao recipiente “case” non caia terra… Vimos que rápido xerminan as lentellas!
- Investigamos nos ordenadores da aula de informática sobre moitas preguntas que nos xurdiron sobre as plantas.
- Fixemos un taller de perfumes usando diferentes partes das plantas: follas, raíces e froitos… que ahora debemos deixar macerar e repousar.
- Clasificamos unha morea de follas que trouxemos ao cole coa axuda das familias…
- E fixemos uns laberintos cunhas caixas para ver como as plantas van medrando e buscando a luz que precisan para vivir.
No seguinte enlace podedes ver e descargar todas as fotos do noso proxecto:
fotos do proxecto das plantas de 3º
E finalmente e grazas a axuda de Jackie e a invitación de Marisol Soneira fomos ver unha morea de plantas, cultivos, animais … que ten Marisol na súa casa. Ademáis de tomar unha rica merenda!
MOITAS GRAZAS A JACKIE POLA COLABORACIÓN E A MARISOL E OS SEUS PAIS POLA SÚA HOSPITALIDADE!!!
Alí vimos: parrulos, ocas, ovellas, galiñas de diferentes razas (ata unha delas estaba chocando ovos), pavos de Guinea, … e puidemos ver que diferentes son os seus ovos.
Tamén vimos ovellas, porcos, un estanque para os parrulos e un can que resultou ser un gran anfitrión e ao que lle gustaban os nosos mimos.
Na horta vimos patacas, leitugas, cereixeiros, repolos, fresas, xuncos, etc.
Aprendemos moito e pasámolo xenial!!!
Ainda que xa o sabiamos, porque uns días antes os nenos e nenas de 1º e 2º tamén foran convidados a casa de Marisol como podedes ver nas seguintes fotos:
O certo é que, tamén os nenos e nenas de 1º e 2º están feitos todos feitos uns granxeiros e granxeiras e tamén traballaran moi duro no invernadoiro do cole:
CEIP O Areal de Camariñas 