O pasado día 5 de xuño, o alumnado de 1º e 2º curso de Educación Primaria do noso centro educativo visitou Naturmaz, situado no concello de Mazaricos. Realizamos unha visita á granxa, onde puidemos coñecer, agarimar, e dar de comer a eguas, cabalos, coellos, galiñas, cabritiños e incluso a algún bacoriño!
Despois, realizamos un pequeno circuito, no que as nenas e nenos fixeron tiro con arco e paintball, ademais doutros xogos tradicionais. Tamén había un aeródromo, onde puidemos ver de cerca ultralixeiros de diferentes tamaños, e coñecer como funcionan e porqué se chaman así.
E finalmente, despois de xantar e repoñer forzas, todas e todos desprazámonos ó tatami para levar a cabo o Xogo da Oca, en versión xigante! Fixemos catro equipos, e tivemos que responder a preguntas sobre os animais da granxa, tirar un dado enorme, etc.
Foi unha gran experiencia, e sobre todo, moi entretida e interesante. Esperamos volver pronto, moitas grazas ás monitoras e monitores de Naturmaz!!!
No seguinte enlace, podedes ver e descargar máis fotos deste día: fotos Naturmaz
CEIP O Areal de Camariñas 